2026-yil 7-may kuni Qorako’l tuman Axborot-kutubxona markazida “Mirmuhsin shoir va yozuvchi” nomli adabiy kecha bo’lib o’tdi. Kechani AKM direktori R. Ergashov ochib berib Mirmuhsin Mirsaidovning 105 yilligi butun mamlakatimiz bo’ylab keng nishonlanayotganligini ta’kidlab o’tdi. AKM xodimi S. Qurbonova yozuvchi haqida ma’lumot berib o’tdi. “Benazir iste’dod sohibi” nomli kitob ko’rgazmasi hamda Axborot-bibliografiya xizmati tomonidan bibliografik ro’yxat chiqarildi.
Mirmuhsin Mirsaidov — o‘zbek adabiyotining taniqli namoyandalaridan biridir. U o‘zining sermazmun ijodi, tarixiy va badiiy asarlari bilan xalq qalbidan chuqur joy olgan. Adib 1921-yilda Toshkent shahrida tavallud topgan. Yoshligidan adabiyotga qiziqib, she’r va hikoyalar yozishni boshlagan.
Mirmuhsinning ijodida Vatanga muhabbat, insoniy fazilatlar, mehnatsevarlik va tarixiy qahramonlar obrazi muhim o‘rin tutadi. Ayniqsa, uning tarixiy romanlari kitobxonlar tomonidan sevib o‘qiladi. “Temur Malik”, “Jaloliddin Manguberdi”, “Me’mor” kabi asarlari orqali yozuvchi xalqimizning boy tarixini va ajdodlar jasoratini yoritib bergan.
Adibning asarlari yoshlarni vatanparvarlik ruhida tarbiyalashda katta ahamiyatga ega. Uning ijodi bugungi kunda ham o‘z qadrini yo‘qotmagan. Mirmuhsin Mirsaidov o‘zbek adabiyotiga ulkan hissa qo‘shgan ijodkor sifatida xalqimiz xotirasida mangu yashaydi.
