Qorako’l tuman Axborot-kutubxona markazida O’zbekiston xalq yozuvchisi O’tkir Hoshimov tavalludining 85 yilligiga bag’ishlab “Qalb kuychisi-O’tkir Hoshimov milliy adabiyotimiz faxri” nomli kitob ko’rgazmasi chiqarildi.
O’tkir Hoshimov 1941-yilning 5-avgustida Toshkent viloyatining Zangiota tumani Do’mbirobod mavzeida tavallud topdi. Bolaligi urush qiyinchiliklari, muhtojliklari davrida kechgan. 1958-yilda o’rta maktabni bitirib, Toshkent Davlat universiteti jurnalistika bo’limining avval sirtqi, so’ngra kunduzgi bo’limida o’qib, 1964-yilda tugatadi. O’qishni bitirgach, bir qator davlat idoralarida faoliyat ko’rsatadi.
